by

JOGO COPA FFTL OITAVO FINAIS LALENOK UNITED FC HALAKON AS MARCA FC HO 6 – 0

ERMERA-RACAF- Jogo Copa FFTL Oitavo Finais ne’ebe  halao iha estadiun Cafe de Ermera kinta-feira 15 10 2020, Lalenok United FC  halao jogo ne’ebe diak no tatiku ho votande hodi halakon As Marca FC ho 6 – 0. 

Iha primeira parte jogo foin liu deit minutu 11 jogador Lalenok United FC  ho numeiro kamizola 10 fura rede As Marca FC ba 1-0, jogo kontinua lao ba minutu 45 jogador Lalenok United FC  ho numeiro kamizola 5 marka tan golu ba As Marca FC 2-0, hodi kompleta  primeira parte.

Tama ba segundu parte  Lalenok United FC kontinua domina bola hodi marka tan golu ba As Marca FC iha minutu 61 husi jogador ho numeiro kamizola 15 hodi lori  Lalenok United FC ba 3-0, jogo sai manas liu tan ba minutu 66 jogador Lalenok United FC  ho numeiro kamizola 77 marca tan As Marka FC hodi lori ba 4-0, jogo kontinua ba minute 87  jogador Lalenok United FC  ho numeiro kamizola 21 marka tan As Marca FC nia rede,  hodi  Lalenok United FC ba 5-0, jogo atu besik termina As Marka FC hetan sorte a’at ba finalti ne’ebe ejekuta husi jogador  Lalenok United FC  ho numeiro kamizola 10 aumenta tan golo hodi lori  Lalenok United FC ba ukun ho 6-0.  

Trenador Lalenok United FC Simon Elissetche hateten ho jogo ne’ebe sira halao ba loron ohen ho rejultadu ne’ebe diak sei prepara diak liu tan hodi kontinua ba jogo seluk.

‘’ ba oin ami sei aumenta treno ho servisu makas ho aumenta tatiku jogador sira nian no prepara an diak ba jogo nebe sei mai’’ dehan Trenador Lalenok United FC.

Iha parte seluk trenador As Marca FC Romão Guteres sente hanesan esperensia ida ba sira nia jogo ho  Lalenok United FC hanesan klubu sigante iha Timor-Leste.

‘’ ba oin sira sei aumenta trenu diak liu tan ba jogo seluk iha copa 12 de novembro no apreseia ba adeptus sira nia suporta ba oin’’  dehan trenador As Marca FC iha Estadiun Café Ermera.

Tuir observasaun husi jornalista Radio Café Ermera ba jogo Copa FFTL ba oitavo finais hetan partisipa masimu husi adeptus husi klubu rua ho komunidade munisipio Ermera no hetan siguransa husi PNTL munispio Ermera, BOP, F-FDTL, ho siguransa Civil,  jogo tuir mai AD.SLB LAULARA No SPORTING TIMOR Sei Halao Iha Sexta Feira 16-10-2020 Iha Estadiun Café de Ermera.

Report            : Ekipa Jornalista ba Radio Café Ermera

Editor            : Ninu Maia

Comment