by

AD.SLB LAULARA HAMONU SPORTING TIMOR IHA OITAVO FINAIS COPA FFTL HO 6-3

ERMERA-RACAF- Jogo Copa FFTL Oitavo Finais ne’ebe  halao iha Estadiun Cafė de Ermera Sexta-feira,16 10 2020, AD.SLB LAULARAhalao jogo ne’ebe ho solidu hodi hamonu SPORTING TIMOR 6-3.

Tama  primeira parte jogo foin liu minutu 23 jogador AD.SLB Laulara  ho numeiru kamizola 7 hatama golo ba rede Sporting Timor ho 1-0, jogo kontinua lao ba minutu ‘31’ jogador AD.SLB LAULARA ho numeiru kamizola 10 marka tan golu ba Sporting Timor 2-0, no minutu ‘45’ jogador AD.SLB Laulara ho numeiru kamizola 7  marka tan golu ba Sporting Timor 3-0 hodi kompleta  primeira parte.

Tama ba segundu parte jogo sai manas liu tan maibe AD.SLB Laulara kontinua domina bola hodi ba minutu ‘47’ jogador AD.SLB Laulara ho numeiru kamizola 10 marka tan golu ba Sporting Timor 4-0, maibe jogo foin liu deit minutu ‘55’ jogador Sporting Timor ho numeiro kamizola 19 hamihis AD.SLB Laulara 1-4, maibe golo ne’e la dura liu deit minutu ‘61’ jogador AD.SLB Laulara ho numeiru kamizola 10 responde kedan ba Sporting Timor ho 5-1, maibe Sporting Timor kontinua esporsu hodi liu deit minutu ‘62’ jogador Sporting Timor ho numeiru kamizola 9 marka tan AD.SLB Laulara nia rede hodi hamihis 2-5, maibe jogo kontinua iha udan laran hodi AD.SLB Laulara apreveita ba minute ‘81’ jogador AD.SLB Laulara ho numeiro 21 fura tan rede Sporting Timor ba 6-2, maibe Sporting Timor responde kedan iha minutu ‘84’ hodi hamihis ba 3-6, to’o jogo Segundu parte termina.

Ba Jornalista Radio Café Ermera Trenador  AD.SLB Laulara Efren Deronimo hateten ho jogo ne’ebe sira halao ba loron ohen ho diak  no sente kontente  maske klima udan maibe jogador sira hatudu rezultadu ho diak hodi kontinua ba jogo tuir mai.

Iha parte seluk trenador  Sporting Timor  Moises da Silva haklaken  maske derota no la pasa ona ba jogo tuir mai  maibe nia konsidera jogo ne’e diak ho parabens ba AD.SLB Laulara.        

‘’ sira la dun prepara diak ho tatiku iha jogo ne’e maibe sira simu ho dereta ne’ebe iha hodi prepara an diak liu tan iha jogo tuir mai’  dehan trenador  Sporting Timor iha Estadiun Café Ermera

Tuir observasaun husi jornalista Radio Café Ermera ba jogo Copa FFTL ba oitavo finais entre AD.SLB Laulara No SPORTING TIMOR  hetan partisipa masimu husi adeptus husi klubu rua ho nafatin  komunidade munisipio Ermera no hetan nafatin siguransa husi PNTL munispio Ermera, BOP, F-FDTL, ho siguransa Civil,  jogo tuir mai KARKETU DILI FC No BOAVISTA FC  sei halao iha Sabadu  17-10-2020 iha Estadiun Café de Ermera.

Report            : Ninu Maia, Maria Soares  ba Radio Café Ermera

Editor            : Ninu Maia

Comment