by

Boavista FC Konsege Halakon Karkeitu Dili FC ho 1-0

ERMERA-RACAF-  Jogo Kontinuasaun Copa FFTL Oitavo Finais iha estadiun Cafe de Ermera Sabadu fin de semana 17-10-2020, Boavista FC Konsege Halakon Karkeitu Dili FC ho Skor Minhis 1-0

Tama ba   primeira parte jogo foin liu minutu tolu ‘’3’’ jogador Boavista FC ho numeiru komizola 21  fura kedan rede Karkeitu Dili FC  ba 1-0, jogo kontinua manas liu tan maibe Karkeitu Dili FC la fo fatin ba Boavista atu aumenta golu to’o oras primeira parte remata

Tama ba segundu parte Karkeitu Dili FC domina bola hodi ataka ba   Boavista FC  nia rede maibe la konge hatama golu to oras  segundu parte remata hodi Boavista kontinua ba semi final enkuantu Karkeitu Dili FC elemina husi Copa FFTL.

Diretor Tekniku Karkeitu Dili FC Elizeu Izac hateten parabens ba Boavista ne’ebe manan iha jogo ne’e maske jogo ho kompetetiva tebes.

‘’ nia dehan jogo tuir mai sei hadia  diak liu tan iha Copa 12 ho liga,  ho preparasaun ba jogador sira nia fisik diak.

Iha parte seluk trenador Boavista Miro Baldo Bento hateten  jogador sira hatudu rejultadu jogo diak hodi halakon Karkeitu Dili FC  no jogo tuir mai sira sei prepara diak liu tan hodi ba semi final.

Report            : Ninu Maia, Maria Soares ba Radio Café Ermera

Editor            : Ninu Maia

Comment