by

Komunidade Postu Administrativo Letefoho Suku Hatugau Apreseia ho CNE nia Programa Eduksaun Civika

ERMERA-RACAF- Comisᾶun Nasional de Eleições ‘CNE’ kontinua fahe informasaun Edukasaun Civika ba komunidade sira iha postu administrativo Letefoho suku Hatugau segunda feira 19-10-2020 ‘’ Liu husi Edukasaun Sivika ita Hakbi’it Sensu Partense ba Aktu Eleitoral’’

Administrador postu administrativo Letefoho Julio Maritu de Deus ne’ebe loke deretamente programa Edukasaun Civika refere hateten CNE ho Stae nia servisu inportante tebes iha prosesu eleisaun.

‘’ nasaun ida demokratiku atu hamrik presisa eleisaun deretamente husi povo, tamba ne’e imi nia votu ida maka termina nasaun nia vida, hodi lori ita ba dezenvolvimentu nasional, nia husu ba komunidade sira apreveita oportunidade ne’e atu aprende lalaok eleisaun iha Timor – Leste ne’ebe CNE halao liu husi programa Eduksaun Civika  iha munisipiu Ermera hodi aumenta tasa partisipasaun iha tempu eleisaun mai’’ dehan administrador Postu Letefoho ne’e iha suku hatugau.

Komunidade  Orlandu Maia sente orgulho bo’ot te’ebes  tamba CNE tun dereitamente mai iha suku hodi fahe informasaun konaba prosesu eleisaun, tamba juven inan, aman iha suku refere maka sedauk komprede konaba votasaun.

‘’ita nia komunidade barak sedauk komprede konaba prosesu eleisaun nia husu ba orgaun eleitoral kontinua nafatin fahe informasaun ba to’o suku ho aldeia sira’’ dehan komunidade hatugau

Iha parte seluk Comissaria destakada CNE munisipiu Ermera Maria Virna Ermalinda Soares haklaken Comisaun Nasional das Eleições nia servisu la iha tempu eleisaun deit maibe CNE nia servisu kontinua tun ba base.

‘’ maibe laos hanorin inan aman no juven sira maibe fahe informasaun inportante no sai sidadaun ne’ebe diak komtribui votu ida deside nasaun nia desenvolvimentu no ami mesak labele hamutuk ho imi lori Timor ba oin, dehan Comissaria destakada CNE munisipiu Ermera iha suku Hatugau.  

Programa Edukasaun Sivika ne’e partisipa husi komunidade suku Hatugau kompostu husi aldeia ne’en ‘6’ ho material sistema eleitoral, parpol no orgaun eleitoral, no  programa hanesan sei halao mos  iha suku Ducurai, Haupu postu Adiministrativo Letefoho

Report            : Ninu Maia ba Radio Café Ermera

Editor            : Ninu Maia

Comment